کوئٹہ(این این آئی)بی این پی کے قائد سرداراخترجان مینگل نے کہاہے کہ لاپتہ افراد کے مسئلے پر وزیراعظم اور آرمی چیف سے ملنے کیلئے تیار ہوں وزیراعظم کے انٹرویوکے بعد ٹوئیٹ کرتے ہوئے سردار اخترجان مینگل نے کہاکہ سب سے پہلے میں یہ بتا نا چاہتاہوں کہ مجھے وزیراعظم کے اجلاس کے حوالے سے صرف ایک روز قبل بتایاگیا جو بہت مختصر اطلاع تھی اس وقت میں ضمنی الیکشن مہم کے سلسلے میں بلوچستان میں موجودتھاجس کے باعث وزیراعظم سے ملاقات ممکن نہ ہوسکی میں ہر اس پلیٹ فارم پر جانے کیلئے تیارہوں جو لاپتہ افرادکا مسئلہ حل کرے۔