لاہور (نیوز ڈیسک) پاکستان مسلم لیگ (ن) کے پنجاب اسمبلی میں اپوزیشن لیڈر حمزہ شہباز نے شہباز شریف کی احتساب عدالت میں پیشی کے موقع پر اظہار یک جہتی کے لیے نہ آنے والے اہم ترین رکن قومی و صوبائی اسمبلی کے نام مانگ لیے ہیں، اس کے علاوہ انہوں نے نہ آنے والے لاہور کے ڈپٹی میئرز کے نام بھی مانگ لیے ہیں۔ ن لیگ لاہور کی قیادت ان پارٹی رہنماؤں کے ناموں کی فہرست حمزہ شہباز کو دے گی اس کے بعد ان کی جانب سے پارٹی رہنماؤں
کو جواب طلبی کے نوٹس جاری کیے جائیں گے، واضح رہے کہ ن لیگ کے صدر و قومی اسمبلی میں اپوزیشن لیڈر شہباز شریف کی احتساب عدالت میں پیشی کے موقع نہ آنے والے لیگی رہنماؤں میں سابق وزیراعلیٰ پنجاب کے سابق مشیر خواجہ احمد حسان، رانا مبشر اقبال، رانا جاوید اختر، ایم این اے ملک ریاض، سابق صوبائی وزیر رانا مشہود، کرنل(ر) طارق ،عمران جاوید، اللہ دتہ اور ایم این اے روحیل اصغر اور سمیت دیگر رہنما بھی شامل ہیں۔
