لندن(نیوز ڈیسک) لندن میں چیف جسٹس ثاقب نثار کی ڈیم فنڈ ریزنگ تقریب میں دو پاکستانی گروپوں کے درمیان تصادم ہو گیا، اس موقع پر شراب کے نشے میں دھت پاکستانی ایک دوسرے کو گالیاں دیتے رہے اور تھپڑ مارتے رہے۔ اس لڑائی میں  ظفراقبال کو دھکے دے کر باہر نکال دیا گیا جس پر وہ بلک بلک کر رونے لگ گئے۔ اس لڑائی کے موقع پر اتنی دھکم پیل ہو گئی کہ

چیف جسٹس ثاقب نثار بھی لڑائی کی زد میں آ گئے اور زمین پر گر پڑے، اس موقع پر سکیورٹی اہلکار لوگوں کو وہاں سے پیچھے ہٹاتے رہے اور انہوں نے چیف جسٹس ثاقب نثار کے گرد حصار قائم کر لیا، سوشل میڈیا پر یہ ویڈیو وائرل ہو رہی ہے، واضح رہے کہ پاکستانی گروپوں کے اس تصادم نے پاکستان کو بدنام کرنے میں کوئی کسر نہیں چھوڑی۔

موضوعات:چیف جسٹس ثاقب نثار