اسلام آباد ( آن لائن) مسلم لیگ ن کے رہنما مفتاح اسماعیل نے کہاہے کہ علیمہ خان کو این آر او دیدیا گیاہے ، ان کی طرح شریف خاندان کو بھی ریلیف ملنا چاہئے۔نجی ٹی وی کے پروگرام میں گفتگو کرتے ہوئے مفتاح اسماعیل نے کہا کہ وزیر اعظم عمران خان نے امریکی صدر کے جواب میں اچھے ٹوئٹس کئے ہیں اور میں ان کی تعریف کرتا ہوں ، عمران خان نے بہت اچھے ٹوئٹس کئے ہیں اور میں ان سے اتقاق کرتاہوں۔ انہوں نے کہا کہ مسلم لیگ ن کی حکومت سے بھی غلطیاں ہوئی ہیں لیکن تحریک انصاف کی حکومت نے ایک سو دن میں جو بدتمیزیاں مچائی ہیں

ان کی تاریخ میں مثال نہیں ملتی۔ انہوں نے کہا کہ حکومت نے اپنے غیر ذمہ دارانہ رویے سے ماضی کی تمام حکومتوں کو پیچھے چھوڑ دیاہے، میں اس موقع پر علیمہ خان کا کیا ذکرکروں ؟ ان کو این آراو دیدیاہے اور جو کہا کرتے تھے کہ میں پکڑ کربند کردوں گا ، ان کی اس معاملے پر کوئی اچھی سی ٹوئٹ بھی نہیں آئی ،انہوں نے کہا کہ یہ ریلیف شریف خاندان کو بھی ملنا چاہئے جو علیمہ خان کودیا گیاہے۔ انہوں نے کہا کہ پنجاب میں مسلم لیگ ن کے دور حکومت میں شہبازشریف کے ہاتھ میں پوری پالیسی ہوتی تھی، ان کے ہوتے ہوئے کوئی ڈی فیکٹونہیں تھا۔