پیرس(آئی این پی)فرانس کے دارالحکومت پیرس میں دکانوں اور تجارتی مراکز میں 700 چوریاں کرنے والی 72سالہ بوڑھی خاتون کو گرفتار کرلیا گیا،خاتون کے گھر کی تلاشی لیے جانے کے بعد وہاں سے ایک ہزار سے زائد اشیا اور 40 ہزار یورو کی رقم برآمد کرلی گئی۔ غیرملکی خبررساں ادارے کے مطابقفرانس کے دارالحکومت پیرس میں دکانوں اور تجارتی مراکز میں 700 چوریاں کرنے

والی بوڑھی خاتون کو گرفتار کرلیا گیا۔ پیرس میں ایک 72 سالہ خاتون کو حراست میں لیا گیا ہے، پولیس کا کہنا ہے کہ خاتون نے مشتبہ طور پر دکانوں اور تجارتی مراکز میں 700 چوریاں کی ہیں۔بوڑھی خاتون کی گرفتاری اس وقت عمل میں آئی جب پیرس میں موجود ایک لکڑی کے کھلونوں کی دکان کی ذمہ دار خاتون نے ان کے خلاف رپورٹ درج کرائی۔رپورٹ کے بعد ہونے والی تحقیقات کے ذریعے علاقے میں سکونت پذیر ایک 72 سالہ خاتون تک پہنچا گیا جس نے رواں سال جون کے بعد سے مختلف اشیا بالخصوص کھلونوں کی فروخت کے 957 اشتہارات پوسٹ کیے تھے۔اشتہارات میں دعوی کیا گیا تھا کہ یہ تمام اشیا نئی اور اپنے اصل غلاف میں موجود ہیں، بوڑھی خاتون کو پیر کے روز حراست میں لیا گیا۔پولیس کے مطابق عمر رسیدہ خاتون نے دوران تفتیش انکشاف کیا ہے کہ اس نے انٹرنیٹ پر فروخت کے لیے پیش کی جانے والی اشیا کو سستی اور کاہلی کے سبب چوری کیا تھا.خاتون کے گھر کی تلاشی لیے جانے کے بعد وہاں سے ایک ہزار سے زائد اشیا اور 40 ہزار یورو کی رقم برآمد کرلی گئی۔