لاہور (مانیٹرنگ ڈیسک) پاکستان کے معروف کرکٹر شعیب ملک کے بیٹے کو پاکستانی شہریت ملے گی یا نہیں، اس حوالے سے نجی ٹی وی چینل کی ایک رپورٹ کے مطابق ایف آئی اے ذرائع کا کہنا ہے کہ پاکستان کے پاسپورٹ اینڈ امیگریشن قوانین کے تحت بھارتی شہری کو پاکستانی شہریت نہیں دی جا سکتی۔ اس طرح پاکستان کرکٹ ٹیم کے سابق کپتان
شعیب ملک کے بیٹے کو پاکستان کی شہریت نہیں مل سکے گی۔ اس حوالے سے ذرائع کا کہنا ہے کہ کرکٹر شعیب ملک کو اپنے بیٹے کو پاکستانی شہریت دلانے کے لیے بھارت کی شہریت چھوڑنا پڑے گی۔ پاکستان کے پاسپورٹ اینڈ امیگریشن قوانین کے تحت دہری شہریت کسی اور ملک کے ساتھ تو رکھی جا سکتی ہے مگر بھارت کے ساتھ نہیں۔
