پشاور(آن لائن) صوبائی دارلحکومت پشاو ر کے نواحی علاقوں میں پراسرار دھماکوں کی آوازوں کے باعث شہریوں میں شدید ترین خوف و ہراس پھیل گیا۔ حیات آباد رنگ روڈ ، پشتخرہ ، باڑہ سربند اور اس کے گردونواح کے علاقوں میں دھماکے کی زور دار آوازیں جمعہ کے روز سنائی گئی ۔ پراسرار دھماکے کی آوازوں کے باعث کیپٹل سٹی پولیس نے بھی دوڑیں لگائیں جبکہ ریسکیو 1122کے ادارے
کے اہلکار بھی شہر کے مختلف مقامات پر دوڑتے رہے تاہم بعدازاں معلوم ہوا ہے کہ باڑہ کے سرحدی حدود میں ملنے والے خود کش جیکٹ کو ناکارہ بنا دیا گیا جس کے باعث بارودی موادکو تلف کرنے کے ساتھ ہی دھماکوں کی آوازیں سنائی دی گئی واضح رہے کہ قانون نافذ کرنے والے اداروں نے ضلع خیبر میں دہشت گردی کا بڑا منصوبہ ناکام بناتے ہو ئے خود کش جیکٹ کو ناکارہ بنا دیاتھا ۔
