اسلام آباد (مانیٹرنگ ڈیسک) عمران خان کے دورے کا بے تابی سے انتظار کر رہے ہیں یہ بات اسلام آباد میں تعینات چین کے سفیر ژاؤ جنگ نے پریس کانفرنس کے دوران کہی، انہوں نے بتایا کہ پاکستان کے وزیراعظم چین میں اپنے ہم منصب کے علاوہ چینی صدر سے بھی ملاقات کریں گے، چینی سفیر نے کہا کہ چین پاکستان کی تعمیر میں اپنا حصہ ڈالنا چاہتا ہے اور عالمی مقاصد کے حصول کے لیے نئی حکومت اپنا مثبت کردار ادا کر سکتی ہے،

انہوں نے کہا کہ پاکستان کو چین پرامن اور مستحکم دیکھنا چاہتا ہے، علاقائی امن خصوصاً افغانستان کے حوالے سے پاکستان کا کردار بہت اہم ہے۔ چینی سفیر ژاؤ جنگ نے کہا کہ پاکستان کو کئی چیلنجز درپیش ہیں جس کا ہمیں اندازہ ہے، سی پیک کے ذریعے پانچ سال میں دونوں ملکوں کے معاشی و اقتصادی تعلقات کو فروغ ملا، انہوں نے کہا کہ سی پیک نہ صرف پاکستان بلکہ پورے خطے کے لیے اہمیت رکھتا ہے، انہوں نے پریس کانفرنس کے دوران یہ بھی کہا کہ چین کو سی پیک کے تمام فوائد نہیں مل رہے، اس سے متعلق تمام انداز غلط ہیں، پاکستان کے سی پیک پر تمام خدشات کا ازالہ کریں گے، چینی سفیر نے کہا کہ کچھ قوتوں پاک چین تعلقات اور دوستی کھٹکتی ہے، انہوں نے کہا کہ وزیراعظم عمران خان کے اس دورے میں پاک چین تجارت کے امور میں اضافے کے حوالے سے بھی دورے میں تبادلہ خیال کیا جائے گا۔ چینی سفیر ژاؤ جنگ کی پریس کانفرنس کے بعد چین کے نائب سفیر ژاؤ لیجان نے میڈیا نمائندوں کو سوالات کے جواب دیے، نائب چینی سفیر نے کہا کہ پاکستان کو چین نے 2.7 ارب ڈالر فراہم کر دیے ہیں۔ انہوں نے کہا کہ یہ رقم چین کی بینک سے پاکستان کے مرکزی بینک میں آ چکی ہے، اس موقع پر انہوں نے کہا کہ پاکستان کو تنہا نہیں چھوڑیں گے، عوام کو خوشخبری دیں گے۔ نائب چینی سفیر نے کہا کہ پاکستان کے وزیراعظم کا دورہ بہت اہم ہے انہیں بڑی امدادی رقم دیں گے اور بہت سے کاروباری معاہدے بھی ہوں گے۔