اسلام آباد (مانیٹرنگ ڈیسک) چینی سفیر ژائو جنگ نے اسلام آباد میں اپنی ایک پریس کانفرنس میں کہا ہے کہ نئے وزیراعظم پاکستان کا چین کے دورے کا بڑی بے تابی سے انتظار کیا جارہا ہے ۔ تفصیلات کے مطابق اسلام آباد میں تعینات چینی سفیرژائو جنگ کا مزید کہنا تھا کہ پاکستانی وزیراعظم عمران خان چین میں اپنے ہم منصب کے علاوہ چینی صدر سے ملاقات بھی کریں گے ۔

ان کا کہنا تھا کہ چین کی خواہش ہے کہ پاکستان کی تعمیر میں اپنا حصہ ڈالے ، نئی حکومت عالمی مقاصد کے حصول کیلئے اپنا مثبت کردار ادا کر سکتی ہے ۔ چین پاکستان کو پر امن اور مستحکم دیکھنا چاہتا ہے ۔ چینی سفیر کا کہنا تھا کہ نئی حکومت کا اس وقت کافی چیلنجز کا سامنا ہے ، جس کا ہمیں ادراک ہے ۔ انہوں نے کہا کہ 5 سال میں سی پیک کے زریعے سے دونوں ممالک کے معاشی و اقتصادی تعلقات کو فروغ ملا۔سی پیک نہ صرف پاکستان بلکہ پورے خطے کے لیے اہمیت کاحامل ہے۔سی پیک کے تمام فوائد چین کو نہیں مل رہے اس متعلق تمام اندازے غلط ہیں۔واضح رہے کہ وزیراعظم عمران خان تین روزہ دورے پر چین جائیں گے جہاں وہ اپنے ہم منصب کے علاقہ چینی صدر و وزیرخارجہ سے اہم ملاقاتیں بھی کریں ۔ وزیر اعظم 5 نومبر کو شنگھائی میں عالمی درآمدی نمائش میں مہمان ہوں گے۔وزیر اعظم کے دورہ چین کے دوران اقتصادی و دفاعی تعاون اور سی پیک منصوبوں پر اہم پیش رفت کا امکان ہے۔وزیر اعظم عمران خان 3 نومبر کو دورہ چین کے لیے روانہ ہوں گے جبکہ 7 نومبر کو وطن واپس پہنچیں گے۔وزیر اعظم کے ہمراہ وزیرخارجہ شاہ محمود قریشی، وزیرخزانہ اسد عمر، وزیرریلوے شیخ رشید، وزیرپلاننگ خسرو بختیاراور وزیراطلاعات فواد چوہدری  بھی ساتھ ہونگے۔