اسلام آباد(مانیٹرنگ ڈیسک)بجلی کی قیمتوں میں اضافہ کر دیا گیا، نیپرا نے فی یونٹ بجلی کی قیمت میں 20پیسے اضافے کی منظوری دیدی۔ تفصیلات کے مطابق نیپرا نے بجلی کی قیمت میں 20پیسے فی یونٹ اضافے کی منظوری دیدی ہے۔ بجلی کی قیمتوں میں اضافہ ماہِ ستمبر کی ماہانہ
فیول ایڈجسٹمنٹ کی مد میں کیا گیا ہے ۔ نیپرا اعلامیہ کے مطابق قیمتوں میں اضافہ نومبر کے بلوں میں بھیجا جائے گاجبکہ بجلی کی قیمتوں میں اضافے کا اطلاق لائف لائن اور کے الیکٹرک صارفین پر نہیں ہو گا۔ نیپرا کی جانب سے بجلی کی قیمت میں اضافے سے صارفین پر 2ارب 50کروڑ کا بوجھ پڑے گا۔
