اسلام آباد (مانیٹرنگ ڈیسک)اگلے دو ماہ میں پیپلز پارٹی کی سندھ سے حکومت ختم ہو جائے گی اور چند ہفتوں کے اندر آصف علی زرداری سمیت 37 لوگوں کی گرفتار ی متوقع ہے ۔سینئر صحافی غلام حسین کا دعویٰ ۔نجی ٹی وی  پروگرام میں گفتگو کرتے ہوئے ان  کا کہناتھا کہ دو ماہ میں یا 2018 کے اندر اندر ہی پیپلز پارٹی کی حکومت ختم ہو جائے گی اور وہاں پر ایک اتحاد بنے گا جو کہ حکومت بنائے گا جس میں ایم کیوایم ، جی ڈی اے اور اس میں پیپلز پارٹی کا ایک

بڑا دھڑا بھی شامل ہو گا ۔ان کا کہناتھا کہ دو مہینے کے اندر زرداری اینڈ کمپنی پر بہت سخت ہاتھ پڑنے والا ہے ، ان میں سے اکثر کو جیلوں میں ڈالا جائے گا اور لوٹے ہوئے پیسے کی ریکوری دینی پڑے گی ۔ اس صورتحال میں سندھ حکومت لڑکھڑائے گی اور جنوری 2019 سے پہلے پہلے سندھ میں تبدیلی آ جائے گی ۔واضح  رہے کہ گزشتہ روز آصف زرداری نے مولانافضل الرحمن سے ملاقات کی تھی جس میں حکومت کےخلاف قراردادلانےکی تجویزپرغورکیا گیا  تھا۔