اسلام آباد (آئی این پی)مسلم لیگ (ن) کے رہنما رانا ثناء اللہ نے کہا کہ نہال ہاشمی کا بیان ان کی ذاتی رائے ہو سکتی ہے، پارٹی موقف نہیں، فوج ملکی سرحدوں کی حفاظت کیلئے ہوتی ہے ہرزہ سرائی کیلئے نہیں۔ جمعہ کو رانا ثناء اللہ نے نہال ہاشمی کے بیان پر ردعمل دیتے ہوئے کہا کہ نہال ہاشمی کا بیان پارٹی موقف سے مطابقت نہیں رکھا، نہال ہاشمی کا بیان ان کی ذاتی رائے ہو سکتی ہے، پارٹی موقف نہیں،فوج ملکی سرحدوں کی حفاظت کیلئے ہوتی ہے ہرزہ سرائی کیلئے نہیں، پاک فوج کا مقصد ملک کی حفاظت ہے، کسی کی

زمین پر قبضہ نہیں، پاک فوج ملکی سرحدوں کی احسن طریقے سے حفاظت کر رہی ہے، میرے خیال سے اس بیان کو چلایا ہی نہیں جانا چاہیے تھا، اب یہ انڈیال کہ تمام چینلز پر چل رہا ہو گا، اداروں سے شکوہ ہو سکتا ہے لیکن یہ اندازہ گلہ کرنے کا نہیں۔یاد رہے کہ گزشتہ روز ہی نہال ہاشمی نے ایک بار پھر اداروں پر تنقید کرتے ہوئے کہا تھاکہ آپ کے وسائل پر کوئی قبضہ کئے بیٹھا ہوا ہے، ایٹم بم اور ایف 16صرف دکھانے کیلئے ہیں، ہمارے ملک کی 8لاکھ فوج ایک انچ زمین نہیں لے سکی، اسلحہ صرف دکھانے کیلئے ہے۔