راولپنڈی (این این آئی)بحریہ ٹاؤن کے چیئر مین ملک ریاض نے سٹیٹ آف دی آرٹ ڈائیلسز سینٹر کا افتتاح کردیا ۔افتتاح کے موقع پر میڈ یا سے گفتگو کرتے ہوئے ملک ریاض نے کہا کہ نیا پاکستان بنانے والوں کی کامیابی کے لیے دعا گو ہوں ،جو بھی پاکستان کو آگے لے کر جائے گا وہ ملک کا ہیرو ہے ۔انہوں نے کہا کہ چاہتا ہوں پاکستان میں ہر شخص کے پاس
گھر ہو۔ان کا مزید کہنا تھا کہ مریضوں کو عالمی معیار کا علاج فراہم کیا جا رہا ہے ،لوگوں کو علاج کے لیے بیرون ملک نہیں جانا پڑے گا ،عوام کی سہولیات کے لیے جو کچھ کرنا پڑا کریں گے ۔انہوں نے بتایا کہ بحریہ ٹاؤن کے فیز 8میں قائم ڈائیلسز سینٹر میں 800مریضوں کا علاج جاری ہے ٗ یہاں لیور ،کڈنی اور ہارٹ ٹرانسپلانٹ کی سہولت بھی موجود ہے ۔
