واشنگٹن (این این آئی)امریکہ میں آندھی اور طوفان جیسی قدرتی آفات کے دور ان امریکی جوڑے نے اپنی شادی ائیرپورٹ پر شادی رچالی ۔غیر ملکی میڈیا کے مطابق امریکی ریاست فلوریڈا کے رہائشی جم اور لوری بیئری نامی جوڑے کی شادی کی تاریخ پہلے ہی سے طے تھی تاہم گزشتہ ہفتے آنے والے طوفان مائیکل کی وجہ سے تمام کورٹ ہاؤس بند ہوگئے۔جم اور بیئری نے شادی سے پہلے ہنی مون کی تیاری بھی مکمل کرلی تھی جس کی وجہ سے دونوں پریشان تھے کہ اگر شادی نہ ہوئی تو وہ ہنی مون پر
کیسے جائیں گے۔اس پریشانی میں جوڑے نے کورٹ ہاؤس میں شادی کروانے والی خاتون افسر سے رابطہ کرکے اسے ایئر پورٹ آنے کی درخواست کی جو انہوں نے قبول کرلی اور مقررہ وقت پر جیکسن ولی انٹرنیشنل ایئرپورٹ پر دونوں رشتہ ازدواج میں منسلک ہوئے اور وہیں سے فلائٹ پکڑ کر10 روزہ ہنی مون پر اٹلی کیلئے روانہ ہوئے۔واضح رہے کہ طوفان مائیکل کے نتیجے میں امریکہ کی ریاست فلوریڈا کے شمالی علاقوں میں شدید تباہی آئی جبکہ اس کے نتیجے میں 25 سے زائد افراد ہلاک ہوچکے ہیں۔
