کراچی(سی پی پی)وزیر مملکت برائے داخلہ شہریار آفریدی نے کہا ہے کہ ہم نے محروم طبقات کو عزت دینی ہے ان کے لیے کام کرنا ہے ،اللہ کے بعد عام پاکستانی کا تحفظ ہم کریں گے۔وزیر مملکت برائے داخلہ شہریار آفریدی نے لیاری میں ایم این اے شکور شاد کے گھر میڈیا سے گفتگو کرتے ہوئے کہا کہ لیاری والوں نے ہمیشہ سیاست اور جمہوریت کے لیے جدوجہد کی۔عوام کو احساس دلائیں گے کہ جان اور مال کے تحفظ کی ذمے داری ریاست کی ہے۔تمام معاملات میں

تمام اکائیوں کو ساتھ لے کر چلیں گے ، وزیراعظم بیورو کریسی یاغیرملکی قیادت سے ملتے ہیں توکہتے ہیں کہ میرے پاکستانیوں کوعزت دو۔انہوں نے کہا کہ ریاست سے خیانت کرنے والا کسی بھی عہدے پر ہو پکڑا جائے گا۔بہت نہتے پاکستانیوں کاخون بہہ چکا،اب محروم طبقات کوگلے سے لگانے کاوقت ہے،کوئی اقتدارکے نشے میں یہ سوچ رکھتاہے کہ وہ عوام کی تذلیل کرے تو ان کو ایسا نہیں کرنے دینگے۔انہوں نے مزید کہا کہ پولیس اور رینجرز کی قربانیاں رائیگاں نہیں جائیں گی۔