اسلام آباد (این این آئی)حکومت کی اعلان کردہ نیا پاکستان ہائوسنگ اسکیم میں عوام نے بھر پور دلچسپی ظاہر کی ہے ، پہلے دن ، پہلے ہی گھنٹے میں نادرا کی ویٹ سائٹ ،فارم ڈائون لوڈ کرنے کے رش کے باعث کریش کر گئی جسے بعد میں بحال کیا گیا۔نادرا ترجمان کے مطابق پروگرام نادرا ویب سائٹ پرلانچ ہوتے ہی 174 ملکوں سے2 لاکھ لوگوں نے بیک وقت رسائی حاصل کی۔ایک سیکنڈ میں 10 ہزارہٹس موصل ہورہی ہیں جس پرویب سائٹ

عارضی متاثر ہوئی۔ترجمان کے مطابق نادرا ویب سائٹ اب معمول کے مطابق فعال ہے،پہلے ہی گھنٹے میں 62 ہزار فارم ڈائون لوڈ کیے گئے۔ترجمان نادرا کے مطابق نیا پاکستان ہائوسنگ پروگرام پائلٹ فیزہے، پروگرام پہلے مرحلے میں صرف 7 اضلاع کیلئے شروع کیاگیاہے۔یاد رہے کہ وزیراعظم  نے پاکستان ہائوسنگ پروگرام کا اعلان کیا تھا جس کے تحت آئندہ 5 سالوں میں حکومت غریب اور تنخواہ دار طبقے کو 50 لاکھ گھر بنا کر دے گی۔