لاہور(مانیٹرنگ ڈیسک) ڈالر مہنگا ہونے کے بارے میں صوبائی وزیر اطلاعات فیاض الحسن چوہان نے مضحکہ خیز دعویٰ کردیا، نجی ٹی وی چینل کی رپورٹ کے مطابق صوبائی وزیر اطلاعات فیاض الحسن چوہان نے ڈالر کی قیمت میں اضافے کی وجہ بتاتے ہوئے کہا کہ ڈالر کو اپوزیشن نے منصوبے کے تحت مہنگا کرایا، اپوزیشن نے پری پلان طریقے سے
ڈالر مارکیٹ سے خریدا جس کے بعد ڈالر مہنگا ہو گیا، ڈالر کی قیمت بڑھنے کے حوالے سے ہر کوئی اپنی رائے اور خیالات کا اظہار کر رہا ہے، ایسے میں معاشی ماہرین نے ڈالر کی قیمت میں اضافے کی وجہ معیشت پر موجود دباؤ کو قرار دیا ہے اس کے علاوہ غیر مستحکم سیاسی صورتحال کو بھی اضافے کی ایک بڑی وجہ قرار دیا جا رہا ہے۔
