لاہور(آئی این پی ) پولیس نے شہبازشریف کی گرفتاری پر احتجاج کرنے والے (ن)لیگ کے ممبر قومی اسمبلی وحید عالم اور ایم پی اے میاں مرغوب سمیت 150 کے قریب کارکنان کے خلاف مقدمہ درج کرلیا۔ تفصیلات کے مطابق نیب نے گزشتہ روز سابق وزیراعلی پنجاب اور مسلم لیگ (ن)کے صدر شہباز شریف کو آشیانہ اقبال ہاسنگ کیس میں گرفتار کیا جس پر مسلم لیگ (ن) کی جانب سے سخت رد عمل کا
اظہار کیا گیا جب کہ پارٹی کارکنان نے بھی احتجاج کیا۔مسلم لیگ (ن)نے گزشتہ روز مال روڈ ریگل چوک پر شہبازشریف کی گرفتاری کے خلاف احتجاج کرنے والے لیگی کارکنان کے خلاف مقدمہ درج کیا ہے۔پولیس کے مطابق مقدمہ تھانہ سول لائنز میں پولیس کی مدعیت میں ہی درج کیا گیا ہے جس میں ممبر قومی اسمبلی وحید عالم اور ایم پی اے میاں مرغوب سمیت 150 کے قریب کارکنان کو نامزد کیا گیا ہے۔
