لاہور (مانیٹرنگ ڈیسک) مریم نواز جیل سے رہائی کے بعد سے اب تک خاموش مگر 12اکتوبر کو کیا کرنیوالی ہیں، دھماکہ خیز خبر آگئی۔ تفصیلات کے مطابق مریم نواز جیل سے رہائی کے بعد سے اب تک خاموش ہیں اور ان کے حوالے سے نجی ٹی وی پروگرام میں گفتگو کرتے ہوئے اینکر عمران خان نے انکشاف کیا ہے کہ مریم نواز اب زیادہ دیر خاموش نہیں رہیں گی بلکہ وہ 12اکتوبر کو

ایک تقریر کرنیوالی ہیں اور یہ وہی دن ہے جب سابق ڈکٹیٹر پرویز مشرف نے نواز شریف کی جمہوری حکومت کا تختہ الٹا تھا۔ اینکر عمران خان کا کہنا تھا کہ مریم نواز کی اس تقریر سے ن لیگ کی آئندہ کی پالیسی کا پتہ چل سکے گا کہ کیا ن لیگ اپنے پرانے بیانئے پر ہی قائم ہے ؟کیا پھر سے ووٹ کو عزت دو اور خلائی مخلوق کی باتیں ہوں گی؟پروگرام میں شریفک دفاعی و سیاسی تجزیہ کار جنرل(ر)اعجاز اعوان کا کہنا تھا کہ مریم نواز 12اکتوبر کو کیا کوئی تقریر کرنی جارہی ہیں میں اس حوالے سے کوئی قیاس آرائی نہیں کرنا چاہتا تاہم ایک عدالتی فیصلے کے تحت ان کو پہلے سزا ہوئی جس کے بعد ایک اور عدالت نے ضمانت منظور کرتے ہوئے ان کی رہائی کا حکم دے دیا، یہ سارا ایک قانونی معاملہ ہے، اگر وہ خود اس معاملے کو متنازعہ بنانا چاہتے ہیں جس سے یہ تاثر دیا جائے کہ کوئی ڈیل ہوئی ہے تو اس حوالے میں کوئی قیاس آرائی نہیں کروں گا۔ میں صرف یہ کہوں گا کہ سیاستدانوں کو چاہئیے کہ وہ سیاست کریں۔سیاسی تقاریر ضرور کریں لیکن اپنے سیاسی فیصلوں کو اداروں کے اُوپر چسپاں نہ کریں۔ا ینکر پرسن عمران خان کا کہنا تھا کہ مریم نواز کی تقریر سے کافی چیزیں واضح ہو جائیں گی ، اگر واقعی کوئی ڈیل نہیں ہوئی تو مریم نواز کو اپنے بیانیے پر ہی تقریر کریں تاکہ ڈیل کا تاثر زائل ہو جائے۔ انہوں نے کہا کہ نواز شریف اور مریم نواز سیاسی بیانات ضرور دیں لیکن ضمانت اور رہائی کے بعد عدلیہ ، فوج اور اسٹیبشلمنٹ پر کیچڑ نہ اُچھالیں اس سے انکی اپنی ساکھ متاثر ہو گی بلکہ عالمی سطح پر پاکستان کی بھی بدنامی ہو گی۔