اسلام آباد(مانیٹرنگ ڈیسک)وزیر بنتے ہی فواد چوہدری کے  تیور بدل گئے۔معروف صحافی نے وزیر اطلاعات  سے متعلق دلچسپ واقعہ سنا دیا۔نجی ٹی وی پروگرام میں گفتگو کرتے ہوئے ان کا کہنا تھا کہ  فواد چوہدری کی میں بہت تعریف کرتا رہا ہوں اور میرا ان سے بہت پرانا تعلق ہے۔پہلے اگر کبھی بھی میری ان سے واٹس ایپ پر بات ہوتی تھی تو ہم ایک دوسرے کو “سر جی ” یا ” بھائی جان’ کہہ کر مخاطب کرتے تھے۔لیکن کل ان کا مجھے میسج آیا تو انہوں نے اس کا آغاز ہی “YOU” سے کیا مجھے برا

نہیں لگا تا ہم ایک دھچکا ضرور لگا کہ ن لیگ کو تو تکبر میں آنے میں کچھ سال لگے لیکن ان میں تو 35دن میں ہی تکبر آ گیا۔اگر عمران خان یا آپ نے کسی ٹی وی چینل کے مالک کو بلوا کر ریڈیو پاکستان کے سیر سپاٹے بھی کروائے اور ڈیل وغیرہ تیار کر لی تو ہم کون ہوتے ہیں کچھ کہنے والے۔لیکن فواد چوہدری کو ایک بات سمجھ لینی چاہئیے کہ ان سے پہلے بھی اس عہدے پر کئی لوگ آئے جنہوں نے ہمیں دبانے کی بہت کوشش کی لیکن وہ آج تاریخ بن چکے ہیں اور ایک دن فواد چوہدری بھی تاریخ بن جائیں گے۔