اسلام آباد (مانیٹرنگ ڈیسک )وزیراعظم عمران خان نے اپنے قریبی دوست زلفی بخاری کواپنی کابینہ میں شامل کرتے ہوئے اپنا معاون خصوصی مقرر کر دیا ہے ،  زلفی بخاری کو عہدہ ملنے کے بعد پاکستان اور دنیا بھر سے تہنیتی پیغامات ملنا شروع ہو گئے ہیں اور آپ یہ جان کر حیران رہ جائیں گے کہ زلفی بخاری کو عہدہ سنبھالنے پر انگلینڈ کے معروف کرکٹر کیون پیٹرسن نے مبارکباد بھیج دی ہے۔وزیراعظم عمران خان اپنے پہلے غیر ملکی دورہ پر سعودی عرب میں ہیں تاہم انہوں نے بیرون ملک دورے سے قبل ہی اپنے قریبی دوست

زلفی بخاری کو اپنا معاون خصوصی تعینات کر دیاہے اور اب انہیں مبارک باد ملنے کا سلسلہ شروع ہو گیاہے انگلش بلے باز کیون پیٹرسن نے ٹویٹر پر جاری پیغام میں کہا کہ ” میرے دوست سید ذوالفقار بخاری کو وزیراعظم کو تعیناتی پر بہت بہت مبارک ہو ، یہ دنیا میں سب سے زیادہ بہتر دکھنے والے وزیر ہیں ، نوجوان سیاست میں ۔“ کیون پیٹرسن نے اپنے پیغام کے آخر میں لکھا کہ ” پاکستان بہترچیزوں میں آگے بڑھتے جاؤ “ ، اس کے ساتھ کیون پیٹرسن نے 9 مرتبہ پاکستان کا جھنڈا بنایا اور اپنے دوست کی تعیناتی پر خوشی کا اظہارکیا ۔