کراچی(نیوز ڈیسک) پاکستان کرکٹ ٹیم کے مایہ ناز وکٹ کیپر بیٹسمین سرفراز احمد نے کرکٹ میں مصروف سیزن کے باوجود اپنے سر سہرا سجانے کا فیصلہ کر لیا ہے۔ کرکٹ کے میدانوں میں کامیابیاں سمیٹنے کے بعد انہوں نے اپنی شریک حیات کا انتخاب کرلیا ہے۔ سرفراز 19 مئی کو کراچی میں شادی کے بندھن میں بندھ جائینگے۔ سرفراز احمد کا کہنا ہے کہ ابتداءمیں میری شادی 22 مئی کو ہونا تھی لیکن سپرایٹ ٹی 20 کرکٹ ٹورنامنٹ اور زمبابوے سیریز کی وجہ سے شادی کی تاریخوں میں ردوبدل کیا گیا۔ سرفراز احمد کراچی کے کپتان ہیں اور ٹورنامنٹ کے دو میچ کھیلنے کے بعد شادی کی رسومات میں شرکت کیلئے کراچی آجائینگے ان کی شادی ان کے اہلخانہ کی پسند سے ہو رہی ہے ان کے ہونے والے سسر سابق کرکٹ امپائر ہیں سرفراز احمد کی دعوت ولیمہ پچیس مئی کو ہو گی ٹی 20 سیریز کھیل کر وہ ون ڈے میچوں کیلئے شرکت کیلئے دوبارہ لاہور جائینگے۔