ملتان(آئی این پی )مسلم لیگ (ن) کے رہنما جاوید ہاشمی نے کہا ہے کہ کلثوم نواز میری بہن تھیں، پارٹی سے ناراضگی کے وقت بھی وہ رابطے میں رہیں، نواز شریف کو پیرول کیلئے درخواست نہیں دینی چاہیے، انکو پیرول پر رہا کرنا حکومت کی ذمہ داری ہے۔ منگل کو نجی ٹی وی سے گفتگو کرتے ہوئے جاوید ہاشمی نے کہا ہے کہ کلثوم نوا زمیری بہن تھیں ۔ یونیورسٹی

دور سے میرا کلثوم نواز سے تعلق تھا۔ پارٹی سے ناراضگی کے وقت بھی کلثوم نواز مجھ سے رابطے میں تھیں۔ انہوں نے مجھے اپنی نواسی کی شادی میں بھی بلایا تھا۔ مشرف دور میں انہوں نے جرت و بہادری کا مظاہرہ کرکے اپنی پارٹی کی رہنمائی کی۔ نواز شریف کو پیرول پر رہا کرنا حکومت کی ذمہ داری ہے۔ نواز شریف کو درخواست دینے کی ضرورت نہیں ہے۔