اسلام آباد (مانیٹرنگ ڈیسک) میں نادان لوگوں کی بدزبانی کا دفاع نہیں کر سکتا،پاکستان تحریک انصاف کے رہنما عمر سرفراز چیمہ نے ترجمان پنجاب حکومت بننے سے انکار کر دیا۔تفصیلات کے مطابق حکومت میں آتے ہی پاکستان تحریک انصاف تنازعات کا شکار ہو گئی ہے، پہلے پہل تو انتظامی سطح پر تنازعات سامنے آئے، تاہم اب پاکستان تحریک انصاف اندرونی اختلافات کا شکار بھی ہو گئی ہے جس سے پارٹی کو
ضمنی انتخابات اور اس کے بعد بلدیاتی انتخابات میں بھاری نقصان پہنچنے کا خدشہ ہے۔ ذرائع کے مطابق پاکستان تحریک انصاف عمر سرفراز چیمہ کو ترجمان پنجاب حکومت بنانے کی خواہشمند تھی لیکن انہوں نے صاف انکار کر دیا اور صاف طور پر کہہ دیا ہے کہ میں نادان لوگوں کی بدزبانی کا دفاع نہیں کر سکتا۔واضح رہے کہ عام انتخابات سے پہلے بھی پی ٹی آئی میں ٹکٹوں کی تقسیم پر اختلافات کھل کر سامنے آئے تھے۔
