پشاور(این این آئی)خیبر پختونخوا میں خواتین ڈاکٹرز کو ہراساں کرنے کے واقعات تھم نہ سکے۔خاتون ڈاکٹر نے سیکرٹری ہیلتھ اورڈائریکٹر جنرل کو خط لکھ دیا،خیبرپختونخوا میں میڈیکل سپرٹنڈنٹ کا فی میل ڈاکٹر کو ہراساں کرنے کا معاملہ شدت اختیارکرگیا۔ خاتون ڈاکٹر نے سیکرٹری ہیلتھ، ڈائریکٹر جنرل کو خط ارسال کردیا۔ڈاکٹرشمائلہ کے مطابق میں سات سال سے مولوی جی ہسپتال میں وومن میڈیکل آفیسر
کے طور پر کام کر رہی ہوں۔ میڈیکل سپرٹنڈنٹ عابد نے پہلے میرا تبادلہ دوسرے وارڈ کروایا جسے میں نے مان لیا۔خط کے متن کے مطابق ڈاکٹر عابد نے میٹنگ میں تمام مرد ڈاکٹرز کے سامنے میرے بے عزتی کی، میٹنگ میں نازیبا الفاظ بھی استعمال کئے جس سے میرے ساکھ کو نقصان پہنچا ہے۔ میڈیکل سپرٹنڈنٹ عابد حسین کا تبادلہ اور ان کے خلاف کاروائی کرنے کامطالبہ کیاگیا ہے۔
