ممبئی (شوبز ڈیسک)بالی وڈ اداکار رنویر سنگھ نے کہا ہے کہ دادی انہیں ہمیشہ امیتابھ بچن جیسا اداکار بنانا چاہتی تھیں۔بھارتی میڈیا کے مطابق اداکار رنویر سنگھ نے سینئر اداکاروں کا اپنا آئیڈیلز اور ہیروز قرار دیتے ہوئے کہاکہ میں جب بچہ تھا تو دادای ہمیشہ اداکار بننے کے لئے میری حوصلہ افزائی کرتی تھیں اور مجھے اکثر
اداکار امیتابھ بچن کی فلمیں دیکھنے کے لئے کہتیں تھیں۔ انہوں نے کہا کہ وہ اداکار گوندا کے بہت بڑے مداح ہیں اور اپنے کمرے کو ان کی فلم ’’راجا بابو ‘‘ کے انداز جیسی ترتیب دی ہے جس میں جوتے، سن گلاسز اور ٹوپیاں بھی فلم جیسی رکھی ہیں۔ رنویر سنگھ کی نئی فلم ’’سمبا‘‘ رواں سال 28دسمبر کو ریلیز کی جائے گی۔
