اسلام آباد (مانیٹرنگ ڈیسک) امریکی وزیر خارجہ مائیک پومپیو اور امریکی چیئرمین جوائنٹ چیف آف سٹاف کی پاکستان آمد، پاکستان کی نئی حکومت نے امریکہ کو کیا پیغام دیدیا، معروف صحافی حامد میر امریکی وزیر خارجہ کے دورہ پاکستان کی اندرونی کہانی سامنے لے آئے۔ تفصیلات کے مطابق گزشتہ روز امریکی وزیر خارجہ مائیک پومپیو اور امریکی چیئرمین جوائنٹ چیف آف سٹاف
گزشتہ روز پاکستان کے مختصر دورے پر اسلام آباد پہنچے تھے جہاں نور خان ائیربیس پر امریکی وزیر خارجہ اور امریکی چیئرمین جوائنٹ چیف آف سٹاف کو رسیو کیا گیا۔ ٹرمپ انتظامیہ نےمائیک پومپیو کے دورے سے قبل پاکستان کی فوجی امداد بند کرنے کا اعلان کیا تھا جبکہ امریکی وزیر خارجہ نے پاکستان آمد سے قبل پاکستان کو دھمکیاں بھی دی تھیں جس کا مقصد پاکستان کی نئی حکومت پر دبائو بڑھانا تھا ، پاکستان کی فوجی امداد روکنے اور بیانات کا مقصد ایسا ماحول بنانا تھا جس سےپاکستان کی نئی حکومت پر یہ تاثر ڈالنا تھا کہ امریکی وزیر خارجہ کوئی ایجنڈا لیکر پاکستان آرہے ہیں تاہم امریکی وزیر خارجہ کو پاکستانی سرزمین پر اترنے سے قبل ہی پاکستان کی جانب سے واضح پیغام دیدیا گیا جب امریکی چیئرمین جوائنٹ چیف آف سٹاف کے استقبال کیلئے نہ تو کوئی اعلیٰ فوجی افسر موجود تھا اور نہ ہی وزیر خارجہ یا سیکرٹری خارجہ ائیرپورٹ گئیں۔ امریکی وزیر خارجہ جب پاکستان اترے تو دفتر خارجہ کے ایڈیشنل سیکرٹری شجاع عالم نے ان کا استقبال کیا۔ معروف صحافی حامد کا کہنا تھا کہ بظاہر امریکی وفد اور پاکستان کےو زیراعظم عمران خان اور وزیر خارجہ شاہ محمود قریشی کے مابین ملاقات خوشگوار ماحول میں ہوئی۔ملاقات میں تعلقات کو فروغ دینے کی بات کی گئی لیکن پاکستان نے یہ بھی واضح کیا کہ اب سب کچھ برابری کی سطح پر ہو گا۔
