نیویارک(نیوزڈیسک) تفصیلات کے مطابق امارات ایئرلائن کے دبئی سے نیویارک جانے والے طیارے میں اچانک 100سے زائد مسافروں کی حالت خراب ہوگئی ہے جس کے بعد جہاز کو جان ایف کینڈی انٹرنیشنل ایئرپورٹ پر ہنگامی طورپر اتار لیاگیا ہے ایئرپورٹ انتظامیہ نے بتایا ہے کہ امارات ایئرلائنز کی فلائٹ 203جس میں پانچ سو کے قریب مسافر سفر کررہے تھے اس میں سے 100سے زائد مسافروں کی اچانک حالت خراب ہوگئی ، پائلٹ نے

ٹریفک کنٹرولرز کو بتایا کہ بڑی تعداد میں مسافروں کو 100ڈگری سے زائد بخار ہوگیا ہے اور ان میں سے اکثر الٹیاں کررہے ہیں جس کے بعد جان ایف کینڈی ایئرپورٹ پر ہنگامی حالت کا نفاذ کرتے ہوئے فوری طورپر اقدامات کئے گئے اور مسافروں کو طبی امداد دی گئی ، ابھی تک یہ نہیں معلوم ہوسکا ہے کہ 100سے زائد مسافر اچانک کیسے بیمار ہوگئے جبکہ ان میں بیماری کی علامات بھی ایک جیسی ہی پائی گئی ہیں۔ واقعے کی تحقیقات جاری ہیں۔