کراچی (این این آئی) سابق صوبائی وزیر اور پیپلزپارٹی کے اسیر رکن سندھ اسمبلی شرجیل میمن نے کہا ہے کہ میں اپنے اوپر لگے الزامات پر غیر جانبدارانہ تحقیقات کا انتظار کرونگا اسکے بعد سب سوالوں کے جواب دونگا ان خیالات کا اظہار انہوں نے منگل کو سندھ اسمبلی میں صدارتی الیکشن کے لئے ہونے والی پولنگ کے بعد میڈیا سے
مختصر گفتگو کرتے ہوئے کیا شرجیل میمن نے میڈیا کے کئی سوالات کا جواب دینے سے گریز کیا ان سے پوچھا گیا کہ آپ اپنے اوپر لگے الزامات کا کیا جواب دینگے ؟ جس کے جواب میں انہوں نے کہا کہ ابھی اس موقع پر بات یا جواب نہیں دونگا اور غیرجانبدارانہ انکوائری کا انتظار کرونگا انہوں نے کہا کہ پھر سب باتوں کا تفصیل سے جواب دونگا۔
