اسلام آباد(این این آئی) امریکی وزیر خارجہ مائیک پومپیوایک روزہ دورے پر(آج) بدھ کو پاکستان پہنچیں گے ٗدورے کے دوران پومپیو کی وزیراعظم عمران خان سے ملاقات بھی متوقع ہے۔سفارتی ذرائع کے مطابق امریکی وزیر خارجہ (آج)بدھ کو سہ پہر اسلام آباد پہنچیں گے اور اہم ملاقاتیں کریں گے،امریکی وزیر خارجہ پہلی ملاقات وزیر خارجہ شاہ محمود قریشی سے
کریں گے جس کے بعد دفتر خارجہ میں وفود کی سطح پر پاک امریکا مذاکرات ہوں گے، امریکی وزیرخارجہ کے ہمراہ امریکی فوج کے چیف آف اسٹاف بھی ہوں گے،وفود کی سطح پر مذاکرات کے بعد امریکی وزیرخارجہ کی وزیراعظم عمران خان سے ملاقات متوقع ہے،امریکی وزیرخارجہ ایک روزہ دورہ مکمل کر کے بدھ کو ہی بھارت روانہ ہوجائیں گے۔
