لاہور(نیوزڈیسک)بابر اعوان کے استعفے کے بعد تحریک انصاف کے حکومت میں شامل اہم عہدیداروں کے استعفوں کی لائن لگ گئی،سینئر صوبائی وزیر پنجاب علیم خان نے بھی دھماکہ خیز اعلان کردیا، تفصیلات کے مطابق سینئر صوبائی وزیر پنجاب عبد العلیم خان کابابر اعوان کے استعفے کے بعد

شدید ترین ردعمل سامنے آگیا ہے نجی ٹی وی سے گفتگو کرتے ہوئے سینئر صوبائی وزیر پنجاب عبدالعلیم خان نے واضح کیا کہ اگر نیب نے میرے خلاف ریفرنس دائر کیا تو میں بھی بابر اعوان کی طرح عہدے سے استعفیٰ دے دوںگا، انہوں نے کہا کہ ابھی میرے خلاف صرف انکوائری ہورہی ہے انہوں نے کہا کہ بلدیاتی نظام کے بغیر جمہوریت کاتصور مکمل نہیں عام آدمی کی تمام ضروریات بلدیاتی نظام سے منسلک ہوتی ہیں گزشتہ حکومت بلدیاتی الیکشن کروانا ہی نہیں چاہتی تھی اور جب الیکشن کروایاگیا تو یہ کوشش کی گئی کہ اس کے پلے کچھ نہ ہو انہوں نے اعترفا کیا کہ بلدیاتی الیکشن میں نوے فیصد جیتے ہوئے لوگ وہ ہیں جو مسلم لیگ ن کے ہیں لیکن وہ خالی ہاتھ اور خالی جیب ہیں انہوں نے واضح کیا کہ اگر بابر اعوان کی طرح میرے خلاف بھی نیب نے ریفرنس دائر کیا تو میں بھی استعفیٰ دے دوںگا، میرے خلاف فی الحال ریفرنس دائر نہیں کیاگیا اور صرف انکوائری ہی ہورہی ہے ۔انہوں نے نئے بلدیاتی نظام کے بارے میں وضاحت کی کہ اب میئر کا انتخاب عوام براہ راست کریںگے اور یہ انتخابات اب جماعتی بنیادوں پر ہی ہونگے۔‎