اسلام آباد(سی پی پی) سابق صدر آصف زرداری نے اپوزیشن اتحاد کے معاملے پر(ن)لیگ کو آڑے ہاتھوں لیتے ہوئے کہا ہے کہ میاں نوازشریف کبھی اپوزیشن میں بیٹھے ہی نہیں ۔یہ بات انہوں نے صدارتی الیکشن میں ووٹ کاسٹ کرنے کیلئے پارلیمنٹ آمد کے موقع پر ایک صحافی کے سوال کا جواب دیتے ہوئے کہی ۔آصف علی زرداری پارلیمنٹ پہنچے تو ایک صحافی نے ان سے
سوال کیا کہ ن لیگ کہتی ہے زرداری صاحب نے اپوزیشن کوتوڑ دیا؟ اس پر آصف زرداری نے حیرانی کا اظہار کیا اور کہاکہ اپوزیشن کو زرداری صاحب نے نہیں توڑدیا بلکہ یہ کہیں کہ میاں صاحب کبھی اپوزیشن میں بیٹھے ہی نہیں۔ایک اور صحافی کے سوال پر کہ کیا عمران خان کو امریکی سیکریٹری خارجہ سے ملاقات کرنی چاہیے؟ سابق صدر نے سر ہلاکر جواب دیا کہ جی ملنا چاہیے۔
