اسلام آباد(آن لائن)مسلم لیگ ن کے صدر شہبازشریف نے پیپلز پارٹی کے صدارتی امیدوار اعتزاز احسن کی حمایت کرنے سے ایک بار پھر انکار کردیاہے۔میڈیا رپورٹس کے مطابق پیپلز پارٹی کے لئے مولانا فضل الرحمٰن کی دستبرداری کی مشروط آمادگی سے پیدا ہونے والی خوشی و امید کی لہر وقتی ثابت ہوئی،ایک بیان میں شہبازشریف نے کہا کہ
بدقسمتی سے اعتزاز احسن کی حمایت نہیں کرسکتے ،ن لیگ انہیں کسی صورت سپورٹ نہیں کرے گی۔اس سے قبل پاکستان پیپلزپارٹی کے شریک چیئرمین آصف علی زرداری اور ایم ایم اے کے سربراہ مولانا فضل الرحمان کے درمیان صدارتی الیکشن سے پہلے ہونے والی انتہائی اہم ملاقات ہوئی جس میں پیپلز پارٹی نے اعتزاز احسن کا نام لینے سے انکار کر دیا۔
