اسلام آباد (این این آئی)پاکستان تحریک انصاف اور بی این پی مینگل کے درمیان معاہدے طے پاگیا ہے ٗ بی این پی عارف علوی کو ووٹ دیگی ۔ میڈیا رپورٹ کے مطابق پیر کو پاکستان تحریک انصاف کے صدارتی امیدوار عارف علوی اور جہانگیر ترین نے اختر مینگل سے ملاقات کی۔ اختر مینگل نے عارف علوی اور جہانگیر ترین کو حمایت کی یقین دہانی کرادی۔ عارف علوی نے کہا کہ عمران خان کی بلوچستان کی ترقی اور بحالی کیلئے سوچ مثبت ہے
ٗبلوچستان کے ساتھ کئے گئے وعدوں کو پورا کریں گے۔ جہانگیر ترین نے کہا کہ پی ٹی آئی اور بی این پی مینگل کے درمیان ایم او یو پر دستخط ہو گئے ہیں، بی این پی کے ارکان عارف علوی کو ووٹ دیں گے۔ اختر مینگل نے کہا کہ تحریک انصاف کے ساتھ مفاہمت کی یاداشت پر دستخط ہوئے، پہلے معاہدے میں بلوچستان کی صورتحال پر بات کی گئی، آج کے ایم او یو میں بلوچستان کے ترقیاتی کاموں پر بات کی گئی، بلوچ عوام کا احساس محرومی دور کرنا ہے۔
