اسلام آباد ( آن لائن )پاکستان تحریک انصاف کے رہنما جہانگیر ترین نے کہا ہے کہ بلوچستان نیشنل پارٹی کے 6مطالبات تسلیم کرلیے ہیں۔ بی این پی تحریک انصاف کے امیدوار عارف علوی کو صدارتی انتخاب میں کامیاب کروائے گی ۔ تفصیلات کے مطابق تحریک انصاف کے رہنما جہانگیر ترین نے کہا ہے کہ بی این پی تحریک انصاف کے صدارتی امیدوار کی حمایت کرے گی ۔ بلوچستان میں ہونے والے معاہدے پر مکمل عمل درآمد ہوگا۔ بلوچستان نیشنل پارٹی کے
سربراہ اخترمینگل کے چھ مطالبات کو تسلیم کرتے ہیں۔ بلوچستان میں پسماندگی کا خاتمہ تحریک انصاف کی حکومت کی اولین ترجیحات میں شامل ہے۔ بلوچستان نیشنل پارٹی اور عوام کو مایوس نہیں کریں گے۔ میڈیا رپورٹ کے مطابق تحریک انصاف اور بی این پی کے درمیان ایک معاہدہ ہوا ہے جس میں تحریک انصاف کی بی این پی نے صدارتی انتخاب میں حمایت کی یقین دہائی کروائی ہے۔ جس کے بعد پی ٹی آئی کے امیدوار عارف علوی کی کامیابی کے امکانا ت روشن ہوگئے۔
