اسلام آباد(سی پی پی)الیکشن کمیشن کے باہرعدلیہ مخالف نعرے لگانے کے کیس میں عدالت نے 4 ملزمان کی ضمانت قبل ازگرفتاری کی درخواست مسترد کردی جس پر چاروں ملزمان کمرہ عدالت سے ہی گرفتارکر لیا گیا۔ تفصیلات کے مطابق الیکشن کمیشن کے باہرعدلیہ مخالف نعرے لگانے کے کیس کی سماعت انسداددہشتگری عدالت کے جج شاہ رخ ارجمند نے کی ۔ ملزمان نے ضمانت قبل ازگرفتاری کیلئے
عدالت سے رجوع کررکھاتھا۔جس پر سماعت کرتے ہوئے عدالت نے عدلیہ مخالف نعرے لگانیوالے 4 ملزمان کی ضمانت قبل ازگرفتاری کی درخواست مستردکردی، ملزمان میں عنصرعباس،عبدالرحمان،راجہ ظہیراورتوقیرعباسی شامل ہیں جبکہ چاروں ملزمان کاتعلق پیپلز پارٹی سے ہے ۔درخواست ضمانت مسترد ہونے پر عدلیہ مخالف نعرے لگانیوالے چاروں ملزمان کمرہ عدالت سے ہی گرفتار کر لیا گیا۔
