اسلام آباد(این این آئی)حکومت نے وفاقی کابینہ میں توسیع کا فیصلہ کرلیا ٗ پی ٹی آئی کے کن اہم رہنماؤں کو وزارتیں دی جائیں گی ؟تفصیلات منظر عام پر آگئیں،وفاقی کابینہ میں توسیع کا فیصلہ کرلیا گیا ہے جس کے بعد پاکستان تحریک انصاف کے کئی رہنماؤں کو وزارتیں دی جائیں گی۔نجی ٹی وی کے مطابق علی زیدی، علی امین گنڈاپور،
مراد سعید اور اعظم سواتی کو کابینہ میں شامل کیا جائے گا۔علی زیدی کو وزارت پورٹ اینڈ شپنگ جبکہ علی امین گنڈا پور کو وزارت امور کشمیر و گلگت بلتستان دئیے جانے کا امکان ہے۔اس کے علاوہ اعظم سواتی کو وفاقی وزیر برائے سائنس اینڈ ٹیکنالوجی جبکہ مراد سعید کو وزیر مملکت بنانے کا فیصلہ کیا گیا ہے تاہم ابھی تک قلمدان کا فیصلہ نہیں کیا گیا۔
