لاہور (نیوز ڈیسک) ماڈل و اداکارہ انعم تنولی کی پوسٹ مارٹم رپورٹ سامنے آ گئی ہے، گزشتہ رات لاہور کے پوش علاقے ڈیفنس کے ایک بنگلے سے 26 سالہ ماڈل و اداکارہ انعم تنولی کی پھندا لگی لاش ملی تھی، اس کی پوسٹ مارٹم رپورٹ سے موت کی وجہ سامنے آ گئی ہے، پوسٹ مارٹم رپورٹ کے مطابق ماڈل و اداکارہ انعم تنولی کی موت سانس بند ہونے کی وجہ سے ہوئی اور اس کے جسم پر کسی قسم کے تشدد کے

نشانات نہیں ملے ہیں۔ واضح رہے کہ اداکارہ و ماڈل انعم تنولی گزشتہ کافی عرصے سے ذہنی دباؤ کا شکار تھیں اور اسی ذہنی دباؤ کی وجہ سے انہوں نے اپنی زندگی ختم کر لی۔ اس حوالے سے پولیس کا کہنا ہے کہ انعم تنولی کی موت کے حوالے سے تحقیقات کا عمل جاری ہے اور اسی سلسلے میں انعم تنولی کی والدہ کا بیان بھی ریکارڈ کر لیا گیا ہے۔ پولیس کا کہنا ہے کہ اس خودکشی کے کیس کی ہر زاویے سے تفتیش کی جائے گی۔