اسلام آباد(مانیٹرنگ ڈیسک) خاتون اول بشریٰ بی بی نے گزشتہ روز لاہور میں دارالشفقت کا دورہ کیاجہاں انہوں نے یتیم بچوں کے ساتھ وقت گزارا اورکھانا بھی کھایا،اس دوران ان کے ساتھ پروٹوکول بھی موجود تھا، جس کی ویڈیو بھی سامنے آ گئی ہے۔ایک سوشل میڈیا صارف کا کہنا ہے کہ جب بشری بی بی داتا دربار پر گئیں تو ان کے ساتھ 17گارڈز موجود تھے جب کہ 35گارڈ دربار کے باہر کھڑے رہے۔14 گاڑیاں استعمال کی گئیں۔جب کہ زمان پارک میں بھی 400کے قریب سیکیورٹی اہلکار تھے

اور یہ تمام خرچہ حکومت کی طرف سے ادا کیا جائیگا جو کہ عوام کے ٹیکس کا پیسہ ہے۔کیا یہ ہے وہ مدینہ طرز کی ریاست ؟۔کچھ صارفین نے اس خبر کو جھوٹا کہا اور کہا کہ ہمیں تو اتنی زیادہ سیکیورٹی نظر نہیں آ رہی۔ ہمیں تو چند سیکیورٹی اہلکار نظر آ رہے ہیں جو کہ خاتون اول کی سیکیورٹی کے لیے ضروری ہیں۔واضح رہے کہ خاتون اول اور وزیر اعظم گزشتہ روز لاہور میں موجود تھے ۔عمران خان نے پنجاب کابینہ کے اجلاس کی صدارت کی جس میں کچھ اہم فیصلےبھی کئے گئے۔