لاہور(آئی این پی )وزیراعظم کی اہلیہ بشریٰ عمران کو انجمن حمایت اسلام کے اعزازی سیکرٹری فنانس نے وزیراعطم کے نام خط پیش کیا ، خط کے متن میں کہا گیا کہ اورنج لائن منصوبے کی وجہ سے ملتان روڈ پر انجمن حمایت اسلام کی دکانیں گرائی گئیں ، دکانوں کے کرائے کی رقم بچوں کی کفالت پر خرچ ہوئی تھی۔ ہفتہ کو وزیراعظم کی اہلیہ بشریٰ بی بی دارالشفقت میں بچوں کے ساتھ وقت گزارنے اور کھانے کے بعد داتا دربار روانہ ہوگئیں۔ بشریٰ بی بی کو انجمن حمایت اسلام کے
اعزازی سیکرٹری فنانس نے وزیراعظم کے نام خط پیش کیا ۔ خط کے متن کے مطابق اورنج لائن ٹرین منصوبے کی وجہ سے ملتان روڈ پر انجمن حمایت اسلام کی دکانیں گرائی گئیں ۔ دکانوں کے کرائی کی رقم بچوں کی کفالت پر خرچ ہوئی تھی ۔ انجمن حمایت اسلام نے خالیپلاٹ پر پلازہ بنانے کا منصوبہ شروع کیا۔ ایک سال سے پلازہ کی تعمیر کی منطوری نہیں دی جا رہی ۔ خط میں استدعا کی گئی کہ پلازہ کی تعمیر کی منظوری دی جائے تا کہ بچوں کی کفالت کا بندوبست کیا جا سکے ۔
