لاہور (نیوز ڈیسک) مسلم لیگ (ن) کے صدر محمد شہباز شریف سے برطانوی ہائی کمشنر تھامس ڈریو نے ملاقات کی جس میں باہمی دلچسپی کے مختلف امور پر تبادلہ خیال کیا گیا ۔ برطانوی ہائی کمشنر نے شہباز شریف کے دور حکومت میں کئے جانے والے ترقیاتی کاموں کی تعریف کرتے
ہوئے کہا کہ شہباز شریف کے دور کئے جانے والے ترقیاتی و دیگر کام باقی سب کے لئے رول ماڈل ہیں۔میاں شہباز شریف نے شعبہ تعلیم میں ڈیفڈ کے تعاون پر برطانوی حکومت کا شکریہ ادا کیا ۔ انہوں نے کہا کہ پاکستان میں مثبت اور تعمیری اپوزیشن کی روایت قائم کریں گے ۔
