ایمسٹر ڈم(آئی این پی )انتہائی دائیں بازو کے نظریات رکھنے والیملعون ڈچ سیاست دان گیئرٹ وِلڈرز نے پیغمبر اسلام کے خاکوں پر مشتمل مقابلے کے انعقاد کا منصوبہ ترک کرنے کا اعلان کر دیا، فیصلہ موت کی متعدد دھمکیوں اور عام لوگوں کو جہادیوں کے ممکنہ حملوں سے بچانے کے تناظر میں کیا۔ بین الاقوامی میڈیا کے مطابق انتہائی دائیں بازو کے نظریات رکھنے والیملعون ڈچ سیاست دان گیئرٹ وِلڈرز نے پیغمبر اسلام کے خاکوں پر مشتمل مقابلے کے انعقاد کا
منصوبہ ترک کرنے کا اعلان کیا ہے۔ ولڈرز کے اس مجوزہ مقابلے پر مسلم دنیا میں غم وغصہ کا اظہار کیا جا رہا تھا۔ گیئرٹ وِلڈرز کے مطابق انہوں نے یہ فیصلہ موت کی متعدد دھمکیوں اور عام لوگوں کو جہادیوں کے ممکنہ حملوں سے بچانے کے تناظر میں کیا۔ ڈچ پولیس نے دو روز قبل ہی ایک ایسے شخص کو گرفتار کیا تھا جس پر شبہ تھا کہ وہ وِلڈرز کو نشانہ بنانے کا ارادہ رکھتا تھا۔ ممکنہ حملے کے اِس منصوبہ ساز کو جمعرات کو عدالت میں بھی پیش کر دیا گیا ہے۔
