اسلام آباد(آئی این پی ) وزیراعظم عمران خان نے کہا ہے کہ ہالینڈ میں گستاخانہ خاکوں کا مسئلہ ہر مسلمان کا مسئلہ ہے، نبی کریمؐمسلمانوں کے دل میں رہتے ہیں،ساری مسلم امہ او آئی سی کے فورم سے اقوام متحدہ میں بات کرے،جب کوئی نبی ؐ کی شان میں گستاخی کرتاہے توتمام مسلمانوں کوتکلیف ہوتی ہے او آئی سی کے ذریعے اقوام متحدہ میں بات کریں گے۔جمعرات کو جاری کردہ اپنے وڈیو پیغام میں وزیراعظم نے کہا کہ ہالینڈ میں گستاخانہ خاکوں کا مسئلہ ہر مسلمان کا مسئلہ ہے، نبی کریمؐمسلمانوں کے دل میں رہتے ہیں
،ساری مسلم امہ او آئی سی کے فورم سے اقوام متحدہ میں بات کرے۔انہوں نے کہا کہ ہم دنیا کو اس مسئلے کے بارے میں سمجھائیں گے، وزیر خارجہ شاہ محمود قریشی اقوام متحدہ میں اس حوالے سے ملاقاتیں کریں گے، وزیر خارجہ نے کئی مسلم ملکوں سے رابطے شروع کر دیے ہیں، شاہ محمود قریشی کواس حوالے سے ہدایات دے دی ہیں۔ وزیراعظم عمران خان نے کہا کہ جس طرح مغرب کے لوگ اپنے دین کو دیکھتے ہیں وہ بالکل مختلف ہے،مغرب کو اس چیزکی اس لیے سمجھ نہیں کہ ہم مسلمانوں نے ان کوسمجھایا نہیں،مسئلہ یہ ہے کہ مغرب کے لوگوں کو اس چیز کی سمجھ نہیں ہے۔
