اسلام آباد(نیوزڈیسک)نجی ٹی وی سے گفتگو کرتے ہوئے انہوں نے کہا کہ کہ تحریک انصاف میں طوفان اٹھ رہاہے ،عمران خان بار بار بلانے کے باوجود بھی کراچی نہیں آئے ، عمران خان کے بنی گالا ہیلی کاپٹر کے سفر سے متعلق بات کرتے ہوئے انہوں نے کہا کہ اتنے کم خرچ میں ہیلی کاپٹر آئل سے نہیں چلتا بلکہ ’’ عشق کی اڑان‘‘ سے اڑتاہے۔نجی ٹی وی سے گفتگو کرتے ہوئے عامر لیاقت نے دعویٰ کیا کہ کراچی میں ووٹ عمران خان کے نام پر نہیں پڑا،
عمران خان باربار بلانے کے باوجو کراچی میں نہیں آرہے انہوں نے شکوہ کیا کہ عمران خان میری بات کا جواب بھی نہیں دے رہے ، عامر لیاقت نے انکشاف کیا کہ میں قومی اسمبلی میں عمران خان کے کہنے پر ہی آصف علی زرداری کے پاس گیا تھا ،عمران خان نے مجھے کہا تھا کہ میں آصف علی زرداری کے پاس جاکران سے اپوزیشن احتجاج میں حصہ نہ لینے کا کہوں۔انہوں نے انکشاف کیا کہ تحریک انصاف میں فاورڈ بلاک نہیں لیکن شیڈو منسٹری جیسا کچھ ضرورہے۔
