ڈھاکہ(آئی این پی)بنگلہ دیشی کرکٹر مصدق حسین پر اہلیہ نے جہیز نہ لانے پر تشدد کرنے اور گھر سے نکال دینے کا الزام عائد کیا ہے۔22سالہ مڈل آرڈر بیٹسمین مصدق حسین آئندہ ماہ شیڈول ایشیا کپ کیلیے ٹیم کا حصہ بھی ہیں، انھوں نے 6سال قبل اپنی کزن شرمین سمیرا اوشا سے شادی کی تھی۔ ایڈیشنل جوڈیشل مجسٹریٹ روزینہ خان نے اوشا کی شکایت پر متعلقہ پولیس اسٹیشن کو تحقیقات کا حکم دے دیا، وکیل ریاض الکریم کا کہنا ہے

کہ مصدق نے دس لاکھ ٹکا جہیز کی مد میں لانے کا مطالبہ کرتے ہوئے میری موکلہ کو شدید تشدد کا نشانہ بنایا اور 15اگست کو گھر سے بھی نکال دیا۔دوسری جانب کرکٹر کے بھائی مبصر حسین مون نے کہاکہ شادی کے بعد سے ہی دونوں میں ناچاقی پیدا ہوگئی تھی، میرے بھائی نے 15 اگست کو طلاق کے کاغذات بھیجے تاہم وہ نکاح نامے میں درج رقم سے زائد کا تقاضا کررہی تھیں جس کے بعد جھوٹے الزامات عائد کرنا شروع کردیے۔