اسلام آباد (مانیٹرنگ ڈیسک ) سینئر اینکر پرسن محمد مالک نے نجی ٹی وی کے ایک پروگرام میں دعویٰ کیا ہے کہ سابق وزیر خزانہ اسحاق ڈار اور موجود وزیر خزانہ اسد عمر کے درمیان رابطہ قائم ہوا ہے ۔ اینکر پرسن ارشد شریف نے کہا ہے کہ لیگی رہنما و سابق وزیر خزانہ اسحاق ڈار اور تحریک انصاف کے رہنما موجودہ وزیر خزانہ اسد عمر میں اگر رابطہ ہوا ہے تو اس کا مطلب یہ ہے کہ جلد ہی قوم کو بڑا ٹیکہ لگنے والا ہے ۔
نجی ٹی وی کے ایک پروگرام میں گفتگو کرتے ہوئے سینئر صحافی و اینکر پرسن محمد مالک نے انکشاف کیا ہے کہ اسد عمر اور اسحاق ڈار کے درمیان رابطہ ہوا ہے کہ سابق وزیر خزانہ اسحاق ڈار نے نو منتخب وزیر خزانہ کو عہدے کا چارج سنبھالنے پر مبارکباد دی ہے ۔ محمد مالک کا کہنا ہے کہ جب انہوں نے اسد عمر سے اس حوالے سے بات کی تو وہ حیران رہ گئے کہ یہ خبرمیرے تک کیسے پہنچی؟سینئر اینکر پرسن ارشد شریف نے دعویٰ کیا ہے کہ اگر اسحاق ڈار اور اسد عمر میں رابطہ ہوا ہے تو اس کا مطلب ہے کہ اسد عمر قوم کو بہت بڑا ٹیکہ لگانے والے ہیں ۔ارشد شریف کا مزید کہنا تھا کہ ایسے وقت میں اس شخص سے رابطہ کرنا جسےملکی کرائسز کا ذمہ دار سمجھا جاتا رہا ہے ایسے میں رابطہ کرنے سے لگ رہا ہے کہ بہت جلد قوم کو کوئی بڑا ٹیکہ لگنے والا ہے ۔ پاکستانی تیاری کر لیں کیونکہ پیٹرول اور ٹیکسز میں اضافہ ہونے والا ہے ۔
