اسلام آباد(شوبز ڈیسک)ملک کے نامور ترقی پسند شاعر، ہلال امتیاز، ستارہ امتیاز، نگار ایوارڈز اور ہلال پاکستان کے حامل ممتاز ماہر تعلیم و شعر نگاراحمد فراز کی برسی عقیدت و احترام سے منائی گئی ۔تفصیلات کے مطابق نامور شاعر احمد فراز 12 جنوری1931 کو کوہاٹ میں پیدا ہوئے، انھوں نے ابتدائی تعلیم کی تکمیل کے بعد شعر و شاعری کا آغاز کر دیا، وہ مختلف تعلیمی اداروں

میں ماہر تعلیم کے طور پر بھی اپنے فرائض سرانجام دیتے رہے،انھیں جنرل ضیاء الحق کے دور میں پابند سلاسل بھی رکھا گیا۔احمد فراز اردو، فارسی، پنجابی سمیت دیگر زبانوں پر بھی مکمل عبور رکھتے تھے، عمر کے آخری ایام میں وہ گردوں کے عارضہ میں مبتلاہوگئے، احمد فراز نے ہزاروں نظمیں اور درجنوں مجموعہ کلام بھی تحریر کیے،احمد فراز 25 اگست 2008ء کو وفات پاگئے۔

موضوعات:احمد فراز،برسی