پشاور(آئی این پی )بی آر ٹی منصوبے ریچ ٹو پر گارڈر رکھنے کاعمل مکمل ہو گیا ہے ترجمان نے کہا کہ نوتھیہ روڈ کوعام ٹریفک کیلئے عید الضحیٰ کے بعد کھول دیا جائے گا۔ بی آر ٹی منصوبے پر نئی صوبائی حکومت نے کام مزیدتیرکرنے کی ہدایات جاری کردی ہیں منصوبے میں کنسٹرکشن کمپنیاں اعلیٰ اور بین الاقوامی میٹریل استعمال کیا جا رہا ہے ،ریچ ون پر جی ٹی روڈ پر فردوس کے قریب میٹرو بس کے لئے ٹریک تعمیر کرنے کا مرحلہ بھی شروع ہو گیا ہے ریچ تھری پر ٹریک تقریباً
مکمل ہوچکا ہے منصوبے پر کنسٹرکشن کمپنیاں اپنے مقرر کردہ ہدف سے پہلے کام مکمل کرنے کی کو شش کر رہی ہے ریچ ٹو پر گارڈر رکھنے کاعمل مکمل ہونے کے بعد گلبہار میں پل کی تعمیرکا پہلا سلسلہ مکمل ہو گیا ہے اور اب گارڈررکھنا شروع کردیاہے۔ریلوے سٹیشن سے ڈبگری تک گارڈر رکھنے کامرحلہ عید الضحیٰ کے بعد شروع کردیا جائے گا۔ منصوبے پر پہلے فیز پر کام مکمل ہونے کے بعد دسمبر کے آخر سے ابتدائی مرحلوں میں آزمائشی بنیادوں پر گاڑیاں چلائی جائیگی ۔
