اسلام آباد (مانیٹرنگ ڈیسک )عمران خان 22 سال کی جدو جہد کے بعد آخر کار وزارت عظمیٰ کے عہدے پر فائز ہو گئے ،ان کے قریبی ساتھی عارف علوی نے وزیراعظم کی ماضی کی ایسی تصویر شیئر کر دی کہ آپ دیکھ کر حیران رہ جائینگے ۔ عارف علوی نے ٹویٹر پر عمران خان کی تصویر شیئر کی ہے جو کہ 1997 میں بنائی گئی جس میں وہ ایک سادہ سی چارپائی پر سکون کی نیند سوتے ہوئے نظر آ رہے ہیں جو کہ ایک بہت بڑی نعمت ہے ۔
عارف علوی نے تصویر کے ساتھ پیغام درج کیا کہ ’’ میں نے عمران خان کی یہ تصویر اپنی چارپائی سے خود بنائی جب ہم شدید گرمی میں تھرپارکر کے علاقے ناگر پارکر میں کھلے آسمان تلے سو رہے تھے ، یہ ممکنہ طور پر 1997 کی تصویر ہے ۔“ ان کا کہناتھا کہ ” وزارت عظمیٰ تک کا سفر طویل ،سخت تھا لیکن عمران خان کا پاکستان کی خدمت کا جذبہ کسی رکاوٹ کو نہیں مانتا ۔“واضح رہے پی ٹی آئی نے عارف علوی کو صدر کیلئے نامزد کیا ہے۔
