اسلام آباد (مانیٹرنگ ڈیسک)ریحام خان نے عمران خان کے چرائے بلیک بیری میں موجود عمران خان اور کسی لڑکی کیساتھ ملاقات بارے میسج پر کی جانیوالی گفتگو کے سکرین شاٹس شیئر کرنا شروع کر دئیے۔ تفصیلات کے مطابق چیئرمین پی ٹی آئی عمران خان کی دوسری اہلیہ ریحام خان نے عمران خان کے بلیک بیری کے سکرین شاٹس شیئر کرنا شروع کر دئیے ہیں ۔

ریحام خان کی جانب سے عمران خان کی کسی لڑکی کیساتھ ملاقات بارے گفتگو کے میسج کے سکرین شاٹس شیئر کئے گئے ہیں ۔ ریحام خان نے سکرین شاٹ شیئرکرتے ہوئے لکھاکہ ’دیکھئے ، مجھے کیا مل گیا ہے ، کالر آئی ڈی پر چیک کریں کہ 2015ءمیں بنی گالہ میں کون مسیجز کررہاتھا‘۔سکرین شاٹ میں لکھاگیاتھا کہ ’ آپ واپس چلے گئے ہیں، کوئی بات نہیں، مجھے بتائیے گا آپ وہاں کب آئیں گے ، میری خواہش ہے کہ آپ دوبارہ واپس جانے سے قبل اس لڑکی یا عورت سے مل لیں“۔جواباً لکھاگیا کہ ’انشاءاللہ ، اتوار کو واپس آؤں گا“۔دوسری جانب سے پھر ایک میسج آیا کہ’ ’ویسے آج میری سالگرہ ہے “۔ایک قومی اخبار کی رپورٹ کے مطابق کالر کی شناخت ظاہر کرنے والی ایپ ٹرو کالر پر اس نمبر کی شناخت مریم نامی خاتون سے ہوتی ہے۔ایک سوشل میڈیا صارف نے ریحام خان سے اس ضمن میں مزید معلومات لینے کی کوشش کی تو انہوں نے جواباً لکھا کہ ’’سب کچھ میں کروں، آپ خود دیکھیں کہ اس میں کونسی خاص بات ہے ‘‘۔محمد صالح نامی صارف نے لکھا کہ ’’یہ نمبر متحدہ عرب امارات سے کسی مریم کا ہے ‘‘ جس پر ریحام خان نے ایسا تاثر دیا جیسے انہیں تو کچھ معلوم ہی نہیں اور لکھا کہ ’’ ہم آپ کے ہیں کون ‘‘۔واضح رہے کہ ریحام خان کی جانب سے الیکشن سے قبل اپنے دوسرے سابقہ شوہر اور پاکستان کے متوقع وزیراعظم عمران خان کے ساتھ گزارے وقت جب وہ ان کی اہلیہ تھیں سے متعلق ایک کتاب لکھی گئی جس میں ریحام خان نے عمران خان پر انتہائی غلیظ اور سنگین الزام عائد کئے ہیں ۔ پاکستانی عوام کی جانب سے ریحام خان کی کتاب منظر عام پر آنے کے بعد شدید ردعمل دیکھنے میں آیا اور انہوں نے اس کو مسترد کر دیا جبکہ تحریک انصاف کی جانب سے اس کتاب پر کسی بھی قسم کا ردعمل دینے سے انکار کرتے ہوئے کہا گیا ہے کہ یہ کتاب اس قابل نہیں کہ اس پر کسی قسم کا ردعمل دیا جائے ۔ اس میں ریحام خان نے من گھڑت اور جھوٹے الزامات عائد کئے ہیں۔